كنت عايزه آخد افكاركم وندردش مع بعض
اول حاجه عايزه اقولهاان انا من ضمن هواياتى التصوير بكافه انواعه ؛
وزى ما بيقولوا حاجه كده فى دمى ،
وكنت بتمنى ولسه بتمنى انه يكون معايا موبايل بكاميرا عشان احقق امنياتى
المهم عشان ما اطولش انا كنت بفكر انا وبنات اصحابى اننا نعمل مشروع كده
المشروع ده عباره عن استوديو للتصوير عشان اخواتنا فى افراحهم
بيقعدوا يدوروا على واحد ست تصورهم لحد ما يدوخوا،
وفى الآخر مابتبقاش ضامنه مين اللى هيحمضلها الصور دى ومين اللى هيشوفها .
فاحنا قولنا اننا نتعلم الفوتو شوب والتحميض والتصوير جيد جدا ونبتدى فى المشروع واللى انا بحلم بيه بجد .
ومن هنا جات لينا فكره جديده مكمله للمشروع وهو اننا نعمل بجوار الاستوديو كوافير اسلامى ،
بمعنى ان العروسه اللى تيجى تبقى عارفه هتطلع ازاى،
وانها هتلبس الكاب وهى طالعه -عشان ما نخدش احنا الذنب - وبعد كده تطلع من على الكوافير على الاستوديو .
وساعتها تتصور بكل طمانينه وتتضمن ان صورها هتكون فى ايد امينه لحد ما توصلها.
ايه رايكم ؟؟؟
* وده عشان اخواتنا كلهم *
.jpg)
هناك ٤ تعليقات:
يا سلام يا سلام على الاحلام والامنيات
ربنا يوفقك يا قمراية
وبالنسبة لمشروع التصوير
اول ما تفتحيه انا معنديش مانع اني اشتغل معاكي فيه
يلا اول موظفة عندك اهوه
ربنا يوفقك انتى واللى معاك وان شاء الله يكون احسن فوتوشوب وان شاء الله اجى اتصور عندك بس ابقى قوليلى لما تبدئى
الفكرة كتييييير جميلة
ايه يا عم الافكار الجميله دى
احنا مستعدين للمشاركه يعنى...اى خدمه
ياريت تتنفذ فعلا هتنجح جامد....شدوا حيلكم
السلام عليكم
**اختى (بنت ابيها)
انا خلاص وافقت انك تكونى موظفه معايا.
دعواتك بس.
***********
## اختى ( roro)
شكرا على مرورك انا على فكره زورت مدونتك شدى حيلك عايزين حاجه جامده كده.
ادعيلنا انتى بس واول ما هنبدأ على طول هبعتلك وربنا يوفقك ،انتى داخله كليه ايه؟؟
***********
$$ حبيبتى( حطم القيود)
اهلا بيكى عندى مره تانيه
وحشتينا كتير عايزين نشوفك .
عايزينك معانا فى المشروع.
وتكونى تانى موظفه بعد بنت ابيها
إرسال تعليق